Námskeið í býrækt.

Því miður náðist ekki næg þáttaka á námskeiðinu og ekkert varð því af námskeiði 2025.

Skv aðalfundi Bý í apríl 2024 var ákveðið að halda námskeið í býrækt veturinn 2025, fyrir áhugasama ef næg þátttaka fæst (minnst 20 manns).

Námskeiðið verður haldið í Reykjavík, í fundarsal Heilsugæslunar í Árbæ. Námskeiðið fer fram á 4 helgum, laugar- og sunnudag 9-15 með 30 min matarpásu                                                                 og 2 x 15 min kaffi. Þetta til að landsbyggðarfólk komist frekar.

Farið verður í öll grunnatriði býræktar:

1. Tæki og tól, hinar ýmsu gerðir af kúpum og römmum.
2. Klæðnaður býræktanda, hvernig fara skal með ósarann, kúp-beinið og burstann.
3. Hvað eru býflugur hvers vegna halda þeim í kúpum.
4. Hvað er býrækt. Saga býræktar á Íslandi og í hinum stóra heimi. Fyrsta skoðun að vori, eftirlit og skoðun að sumri, haust og vetrarvinna.                                                                                          Hvenær þarf að bæta við hunangskassa. Fóðrun og önnur umhirða.
5. Val á býgarði. Hvernig er hægt að flytja búin.
6. Hvernig á að umgangast býflugur. Hreinlæti, persónueiginleikar sem eru heppilegir býræktandanum.
7. Líffræði og lífeðlisfræði býflugna. Atferli, samfélagsgerð, tegundir býflugna.
8. Aðstæður á Íslandi, veðurfar – umhleypingar.
9. Stuttlega farið í drottningarækt.
10. Blómategundir sem gefa af sér blómasykur, gróður og annað umhverfi.
11. Hunang sem matvæli. Hvernig verður hunang til, hunangstekja og vinnsla. Hvernig skal hræra og tappa hunangi auk geymslu þess.
12. Vax og nýting og aðrar afurðir.
13. Verklegur þáttur -smíði ramma, þræddir með stálþræði og bræðsla vaxplötu í þá.
14. Þátttakendur skoða í býflugnabú .
15. Helstu meindýr og sjúkdóma sem sem herjað geta á býflugur.
16. Og síðast en ekki síst hvernig á að taka á móti afleggjara fyrir þá sem fá sínar fyrstu býflugur komandi sumar.
17. Hvar og hvernig er hægt að sækja sér meiri kunnáttu.
18. Próf að loknu námskeiði.

Það verður eðlilega farið í miklu fleiri atriði og að miklu leyti stuðst við heimasíðuna www.byflugur.is auk annars fræðsluefnis aðgengilegt fyrir                                                                    námskeiðsþátttakendur á dropbox.com. Notast verður við skjávarpa auk annars fræðsluefnis.

Möguleiki er á að sækja námskeiðið í gegnum fjarfundarbúnað en mætingarskylda er á verklega þætti námskeiðsins og í próf að loknu námskeiði.

Kennsla: Líklegustu dagsetningar eru hér að neðan, ræðum það nánar þegar nær dregur.

• 1-2/febr
• 1-2/mars
• 3-4/maí
• 14-15/júní verkleg kennsla og próf-þessi dagsetning er breytileg fer eftir veðri og oft skipt upp á fleirri daga svo allir komist

Þetta gera um 45 klst.

Mörg stéttarfélög veita styrk til félagsmanna ef sótt er um.

Innifalið er aðgangur að kennslu/fræðsluefni og kaffi og meðlæti.

Ef farið er út í að kaupa býflugur er verðið uþb 80 000 kr fyrir hvern afleggjara,

Gróft reiknað um 130 þ hver kúpa, klæðnaður minnst um 25000 auk þess þarf að kaupa frjódeig ca 10000 og tugi kílóa af sykri.